Cognon sicilian presint a Udin. Stant a Caracausi 1993, a pro di une divignince arabiche, al sarès pussibil un leam cul toponim Risalaimi, ma la classe sociâl, salacor no umile, di Alaymus clericus (a. 1172), Raymundus Alaymus (a. 1298), e altris, al puarte a pensâ a une çocje francese. Une altre ipotesi e propon la derivazion dal non gjermanic Adelheim (CI 35). Il toponim Alàimo al derive dal cognon, e no il contrari.